/img/tv1.svg
RU KZ
Өтелмеген салық үшін айыппұл салынбайды

Өтелмеген салық үшін айыппұл салынбайды

Бұл туралы Маңғыстау облысы бойынша Мемлекеттік кірістер департаменті хабарлады.  

16 Қыркүйек 2020 19:22 245

 Өтелмеген салық үшін айыппұл салынбайды

«Соңғы күндері әлеуметтік желілер мен мессенджерлерде өткен салық кезеңдері үшін қарыздар 1 қазанға дейін өтелмеген жағдайда өсімпұлдардан басқа 8 АЕК (шамамен 20000 теңге) мөлшерінде айыппұл есептелетіні туралы ақпарат таратылуда.

Бұл хабарламаның шындыққа сәйкес келмейтінін ресми түрде мәлімдейміз.

Қазақстан Республикасы қолданыстағы Салық кодексінде салық міндеттемесін орындау мерзімі өткен әрбір күн үшін берешек сомасына өсімпұл есептеу қарастырылған, бұл ретте, заңнамамен айыппұл санкциялары қарастырылмаған», – делінген хабарламада.

«Ailand Astana»-ға 391 мың теңге көлемінде айыппұл салынды

Санитарлық-эпидемиологиялық талаптарды бұзған «Ailand Astana» ЖШС-ға әкімшілік жаза қолданылды.

25 Қыркүйек 2019 10:33 415

ҚР ДСМ тауарлар мен көрсетілетін қызметтердің сапасы мен қауіпсіздігін бақылау комитетінің баспасөз қызметі астаналық тұрғынның шағымынан кейін, елордадағы Ailand демалыс орталығындағы бассейн суы тексерілгенін хабарлады.

Баспасөз қызметінің ақпаратына сүйенсек, Нұр-Сұлтан қаласы тауарлар мен көрсетілетін қызметтердің сапасы мен қауіпсіздігін бақылау департаментінің  Есіл ауданы тауарлар мен көрсетілетін қызметтердің сапасы мен қауіпсіздігін бақылау басқармасы 5-11 қыркүйек арасында Ailand отбасылық демалыс орталығындағы бассейн суына тексеру жүргізген. Сараптама нәтижесінде судың санитарлық талаптарға сай еместігі анықталыпты.

Санитарлық-эпидемиологиялық талаптарды бұзған «Ailand Astana» ЖШС-ға әкімшілік жаза қолданылды, 391 375 теңге көлемінде айыппұл салынды.

Қазақстанға оралған Әбіләзовтің 7 сыбайласы айыппұл төлеуге міндеттелді

Олардың үшеуі Ресей азаматы, біреуі Украинадан, қалған үшеуі – қазақстандық.

20 Қыркүйек 2019 13:06 1637

Алматы қаласы Медеу ауданының №2 Медеу аудандық соты ақша жымқыру және шет елде қаражат жылыстату фактілері бойынша БТА банктің бұрынғы басшылығына қатысты үкім шығарды. Бұл туралы ҚР сыбайлас жемқорлыққа қарсы іс-қимыл агенттігінің департамент басшысы Сергей Перов хабарлады. 

Ресми дерек бойынша, Мұхтар Әбіләзовтың елге өз еріктерімен оралған 7 жақтасы 1,5 мың – 3 мың АЕК көлемінде айыппұл төлеуге міндеттелді. Олардың үшеуі Ресей азаматы, біреуі Украинадан, қалған үшеуі – қазақстандықтар.