Өткен тәулікте елімізде 2 мыңнан аса адам COVID-19-дан айықты, деп хабарлайды inbusiness.kz.
Ведомствоаралық комиссияның мәліметінше, өткен тәулікте 1 385 адамнан коронавирус анықталған. Осылайша, Қазақстанда COVID-19 жұқтырғандар саны 390 376-ға жетті.
Өткен тәулікте 2 575 адам COVID-19-дан айықты. Пандемия басталғалы бері аурудан 362 018 адам жазылды.
Коронавирус пен пневмониядан 19 адам қайтыс болды
2 маусымдағы мәлімет бойынша 26 137 адам коронавирустан емделіп жатыр.
"Олардың ішінде 9 702 пациент стационарда, 16 435 науқас амбулаториялық деңгейде ем қабылдауда. 609 адамның жағдайы ауыр, 139 пациенттің жағдайы өте ауыр, 84 науқас өкпені жасанды желдету аппаратына қосылған", - деп жазылған хабарламада.
Айта кетейік, Қазақстанда 2 млн 145 мың 688 адам COVID-19-ға қарсы вакцина салдырды.
