Бұл туралы inbusiness.kz Тайвань қорғаныс ведомствосының сайтына сілтеме жасап хабарлайды.
Жарияланған мәліметтерге сәйкес, ҚХАА Су-30, J-16 мен J-11 жойғыштарын, Y-8 сүңгуір қайыққа қарсы ұшағын, сондай-ақ электронды барлауға арналған Y-8 моделін пайдаланды. Тайвань әскерилері аралға BZK-005 ұшқышсыз ұшағы мен KJ-500 ұзақ қашықтыққа радиолокациялық анықтау мен басқару ұшағы да жақындағанын айтады.
Тайвань Қарулы Күштері ҚХАА ұшақтарын бақылау үшін кемелерді, әскери авиацияны, сондай-ақ зениттік зымыран кешендерін орналастырды.
Дүйсенбіде АҚШ-тың Punchbowl News интернет-басылымы дереккөзге сілтеме жасай отырып, Пентагон АҚШ Конгресінің Өкілдер палатасының спикері Кевин Маккартидің осы көктемде Тайваньға бару мүмкіндігін қарастырып жатқанын хабарлады.
