Министрлер кабинетінің мүшелеріне биылғы жылдың бірінші тоқсанында
13,9 млрд текше метр көлемінде газ өндіріліп, жоспар 100% орындалғаны баяндалды, деп хабарлайды inbussines.kz тілшісі.
"Тауарлық газды ішкі тұтыну көлемі 6,6 млрд текше метрге жетті. Бұл көрсеткіш бойынша жоспар 111,3%-ға орындалды. Ал газ өндіру көлемі 13,9 млрд текше метрді құрап, жоспар толығымен, яғни 100% жүзеге асты", – деді Нұрлан Ноғаев.
Министрдің мәлімдеуінше, сұйытылған мұнай газын өндіру көлемі 817 мың тоннаны құрады. Мұнда да жоспар ойдағыдай болды.
"Экспортқа шығарылған газ көлемі 2,1 млрд текше метрді құрады. Сәйкесінше жоспар 105,4 %-ға орындалды", – деді энергетика министрі.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
