Кәсіподақ төрағасы Құспан Қосшығұлов тәуелсіз кәсіподақтарды тіркемеудің саяси астары бар деп санайды. Себебі жұмысшылар бастамасымен құрылған кәсіподақ билікке де, жұмыс берушіге де "кедергі" келтіруі мүмкін. Биліктегілерге өз құқығын қорғай алатын жұмысшы емес, "құлдар" керек.
"Тәуелсіз кәсіподақ болмағандықтан еңбек дауына байланысты құқықтарын пайдаланып шыққан ереуілдердің бәрін жұмыс берушінің арызымен сот заңсыз деп таниды, айыппұл салады, жұмыстан шығарады. Мұның бәрі саяси тапсырма", – деп есептейді ол.
Оның айтуынша, мемлекет 2014 жылы қабылдаған кәсіподақ туралы заң тәуелсіз кәсіподақ құруға ұмтылғандардың жағдайын ауырлатып жіберген. 2020 жылы мамырда бұл заңға өзгеріс енгізгенімен, ол өзгеріс жағдайды жақсартатындай болмады. "Алдамшы".
