Үйден ашылған медресе. Түркістанда жергілікті тұрғынның ешқандай рұқсатсыз өз шаңырағын діни оқу орталығына айналдырғаны анықталды, деп хабарлайды inbusiness.kz тілшісі.
Облыстық полиция департаменті таратқан ақпаратқа сүйенсек, жеткіншектерге дінді дәріптеген азамат тек Түркістан облысының ғана емес Шығыс Қазақстан, Абай, Жамбыл облыстарымен көрші өзбек елінің де өрендерін оқытқан. Тіпті, дәрісіне әр баладан 100 мың теңге алған. Ұстаздың үйін тінту кезінде 100-ден астам діни кітап тәркіленді. Ешқандай рұқсатсыз мұндай әрекетке барған тұрғын енді полицияның арнайы бақылауына алынып, 350 мың теңге көлемінде айыппұл төлейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
