"Амирсай" (Өзбекстан), "Шымбұлақ" (Қазақстан) және "Роза Хутор" (РФ) тау курорттары одаққа бірікті. Бұл туралы inbusiness.kz сайты Өзбекстанның Газета.uz басылымына сілтеме жасап хабарлайды.
Айта кету керек, мұндай курорттарға бару арқылы туристер бонустар алып, оларды альянстың басқа курорттарына жұмсай алады.
"Газета.uz" ұйымдастырушыларының мәліметтері бойынша, Еуразиялық Тау Курорттары Альянсының (ЕТКА) тұсаукесері 16 қарашада Ташкенттегі TITF2023 "Жібек жолындағы Туризм" көрмесі аясында өтті.
Альянс маусым айында құрылды. Оған Өзбекстандағы "Амирсай", Қазақстандағы "Шымбұлақ" және Ресейдегі "Роза Хутор" курорттары кірді.
Тұсаукесерде курорттардың өкілдері жаңа одақтың мақсаттары мен міндеттері, сондай-ақ, осы қысқы маусымға жоспарланған бірлескен іс-шаралары туралы айтып берді.
"Альянс алдағы жылға арналған үш курортта спорттық, мәдени және ойын-сауық іс-шараларының жалпы күнтізбесін ұсынды. Оған туристер ат салысқаны үшін белгілі бір бонустар ала алады. Әрі қарай, бұл бонустар альянстың үш курортының кез келгенінде қызметтерді төлеу үшін пайдаланылуы мүмкін", деп хабарлады оның өкілдері.
