Өзбекстан президенті Шавкат Мирзиеев абақтыда жазасын өтеп жатқан 100 адамға рақымшылық жасады, деп хабарлайды inbusiness.kz порталы "Интерфакс-Қазақстан" агенттігіне сілтеме жасап.
"Рамазан айы қарсаңында Шавкат Мирзиеев 100 сотталушыға рақымшылық жасау туралы жарлыққа қол қойды. Оның ішінде 52 адам тыйым салынған ұйымдардың жұмысына араласқан", – деп жазылды президенттің баспасөз қызметі таратқан хабарламада.
Баспасөз қызметінің мәліметінше, рақымшылыққа іліккендердің үшеуі жазасын толық өтеуден, 43-і шартты түрде мерзімінен бұрын жазасын өтеуде босатылды. 10 сотталушының жазасы жеңіл жазаға ауыстырылды, 44 адамның жазасын өтеу мерзімі қысқартылды.
Сонымен қатар жазасы кешірілгендердің арасында 12 шетелдік бар: жасы 60-тан асқан 6 әйел және 4 ер адам бар.
"Жауапты министрліктер мен ведомстволарға рақымшылыққа іліккендерді әлеуметтік бейімделуге көмек көрсетуге, еңбек тартуға тапсырма берілді", – деп жазылды хабарламада.
