Өзбекстан ДХР мен ЛХР-дың егемендігін мойындамайды. Бұл туралы Өзбекстанның Сыртқы істер министрі Абдулазиз Камилов мәлімдеді, деп хабарлайды inbusiness.kz жергілікті БАҚ-қа сілтеме жасап.
"Біріншіден, Украинаның төңірегіндегі жағдайға алаңдаушылық білдіреміз. Екіншіден, Өзбекстан шиеленісті бейбіт жолмен және дипломатиялық жолмен шешу жолын қолдайды. Ол үшін, ең алдымен, соғыс қимылдары мен зорлық-зомбылық дереу тоқтатылуы керек", – деді Абдулазиз Камилов.
Ол сонымен бірге Өзбекстан Украинаның тәуелсіздігін, егемендігін және аумақтық тұтастығын мойындайтынын айтты. "Біз ДХР мен ЛХР-дың егемендігін мойындамаймыз", – деді министр.
Ақпан айында Ресей ДХР және ЛХР егемендігін мойындады. Кейінірек Ресей Президенті Владимир Путин халыққа үндеу жасап, Донбасста "арнайы әскери операцияның" басталғанын жариялады.
Табиғат Нұрболат
