Өзбекстанда 18 жастан асқан тұрғындардың жартысынан көбі коронавирус дертіне қарсы вакцинаның бірінші дозасын ектірді, деп хабарлайды Inbusiness.kz жергілікті басылымдарға сілтеме жасап.
Елдегі денсаулық сақтау министрлігінің мәліметінше, 18 жастан асқан тұрғындардың 53,6%-ы екпенің бірінші дозасын салдырған. Ересектердің 21,2%-ы толықтай вакцина қабылдаған.
Препарат ектіру көрсеткіші бойынша Ферғана, Андижан және Наманған облыстары көш бастап тұр. Мұнда вакцинаның бірінші дозасын алғандар саны 2 миллионнан асты.
Өзбекстанда екпе науқаны 1 сәуірде басталған болатын. Вакциналау процесі бес препаратпен жүзеге асырылып жатыр. Олардың қатарында "AstraZeneca", "ZF-UZ-VAC2001", "Спутник-V", "Moderna" және "Pfizer" бар.
3 тамызда Өзбекстанда жұмыс істейтін тұрғындарды міндетті түрде вакциналаудың құқықтық негізін бекіткен заң қабылданды. 29 қыркүйектен бастап 12 жастан асқан балаларға "Pfizer" вакцинасын ерікті түрде егуге рұқсат берілді.
Табиғат Нұрболат
Фото: sputnikvaccine.com
