2018-2023 жылдар аралығында Өзбек Республикасында халықтың жалпы табысының шамамен 16%-ы еңбек мигранттарының ақша аударымдарынан түскен. Бұл туралы inbusiness.kz сайты podrobno.uz порталына сілтеме жасап хабарлайды.
Орталық Банк Өзбекстандағы еңбек нарығы туралы есебінде елдің макроэкономикасы мен әлеуметтік-демографиялық саясатының маңызды бөлігіне айналған сыртқы еңбек көші-қонынан түсетін ақша ағындарына талдау жасады.
Сонымен қатар, еңбек мигранттарының ақша аударымдары халықтың жалпы табысына, ішкі сұранысқа және төлем балансының тұрақтылығына әсер ететіні анық.
Сондай-ақ, елдің ішкі валюта нарығы басқалармен қатар трансшекаралық ақша аударымдарының ағыны, яғни бір банктен немесе бір елдің қаржы институтынан екінші елге ақша аударымдары есебінен толықтырылатынын атап өткен жөн.
Қазіргі уақытта, еңбек мигранттарының негізгі ағыны жақын маңдағы бірнеше елдерде, атап айтқанда, Ресей мен Қазақстанда шоғырланған және олар ақша аударымдары ағынының негізгі бөлігін құрайды.
Айта кету керек, еңбек мигранттары Қазақстан мен Ресей Федерациясынан басқа Түркия мен Оңтүстік Кореяға белсенді түрде ұмтылғанымен, бұл елдерден ақша аударымдары туралы деректер жоқ. Тек 2022 жылы ұстамды өсім көрсеткеннен кейін 2023 жылы басқа елдерден ақша аударымдарының көлемі 14%-ға өскені белгілі болды.
