/img/tv1.svg
RU KZ
Өзбекстанда қайыршыларға қатысты заң жобасы әзірленді

Өзбекстанда қайыршыларға қатысты заң жобасы әзірленді

Бір жылдан үш жылға дейін бас бостандығы шектеледі немесе үш жылға бас бостандығынан айырылады.

05 Қыркүйек 2018 13:07 645

Өзбекстанда қайыршыларға қатысты заң жобасы әзірленді

Өзбекстан кәрілер мен мүгедек жандарды қайыр тілетіп, «заңсыз бизнес» жасаған адамдарды жазалау жолын қарастырмақ. Заң жобасы елдің құқықтық-нормативтік құжаттарды талқылау порталында жарияланған, деп хабарлайды abai.kz.

«Әуежайда, вокзалда, парктерде, базарлар мен сауда кешендерінде қайыр сұраған адамдар әкімшілік ескерту жасалып, кейін 360 сағатқа қоғамдық жұмысқа тартылады. Я болмаса бір жылдан үш жылға дейін бас бостандығы шектеледі немесе үш жылға бас бостандығынан айырылады», -  деп жазылған құжатта.

Заң жобасында кәмелеттік жасқа толмаған балаларды, кәрілерді, мүгедек жандарды қайыр сұрауға итермелегендер 480 сағат қоғамдық жұмысқа жегу не үш жылдан бес жылға дейін бас бостандығынан айыру жазасы қарастырылған.

Заң жобасын 3 қыркүйекте жарияланған. Талқылау 19 қыркүйекте аяқталады.

Экология департаменті «Таза Табиғат-АН» компаниясының қызметін тоқтатуға талап арыз берді

ЖШС жалпы сомасы 336 700 теңге көлемінде әкімшілік жауапкершілікке тартылды. Алайда, осы уақытқа дейін әкімшілік айыппұл өндірілмеген. 

12 Қазан 2018 13:05 1992

Экология департаменті «Таза Табиғат-АН» ЖШС-нің қызметін тоқтата тұру туралы талап арыз берді, деп хабарлайды Ақтөбе облысының өңірлік коммуникациялар қызметі.

Ақтөбе облысының экология департаментінде компанияның қызметіне қатысты жағдайға түсінік берілді.

Мекеменің мәліметіне қарағанда, аумағы 11 га болатын өндіріс қалдықтарын қабылдайтын полигон Байғанин ауданы Жаңатаң ауылынан 7 шақырым жерде орналасқан.

2011 жылы кәсіпорынмен «құрамында мұнай бар қалдықтарды кірме жолмен қайта өңдеу және кәдеге жарату жөніндегі полигонның қоршаған ортаға әсерін бағалау (ҚОӘБ)» жобасы әзірленіп, мемлекеттік экологиялық сараптаманың оң қорытындысы алынды. 2012 жылы сілтілі ерітіндіні қабылдаудың өндірістік қажеттілігіне байланысты жұмыс жобасына түзетулер енгізілді.

«Облыс прокуратурасының тапсырмасы бойынша 2018 жылдың маусым-шілде айларында  ҚР ЭМ-нің экологиялық реттеу және бақылау комитетінің қызметкерлері соңғы бес жылда «Таза Табиғат-АН» ЖШС қызметіне жоспардан тыс тексеру жүргізіп, нәтижесінде белгіленген лимиттен тыс қалдықтарды орналастыру жайттары анықталды. Компания полигонда пайда болатын қалдықтарды есепке алуды жүргізбеген, қалдықтардың қабылданған, бейтараптандырылған көлемі мен нақты орналастырылған қалдықтардың деректері туралы берілген мәліметтерде айырмашылықтар болған, сонымен қатар кәсіпорында орналастырылатын қалдықтардың түрі көрсетілген арнайы жабдықталған қалдықтарды жинауға арналған  контейнерлер болған жоқ», - деп хабарлады экология департаменті.

ЖШС жалпы сомасы 336 700 теңге көлемінде әкімшілік жауапкершілікке тартылды. Алайда, осы уақытқа дейін әкімшілік айыппұл өндірілмеген. Ерікті төлем мерзімінің аяқталуына байланысты, енді Өңірлік палатаның жеке сот орындаушылары арқылы мәжбүрлеп өндіріп алу шаралары қабылданатын болады.

Сондай-ақ, экология департаменті Ақтөбе облысының мамандандырылған ауданаралық экономикалық сотына сілтілі қалдықтарды бейтараптандыру қондырғысын пайдалану бойынша шаруашылық қызметті тоқтату үшін талап арыздарын жолдады. Талап арызды қарау жақын күндерге белгіленді.

Мемлекет басшысы бірқатар заңға қол қойды

11 Қазан 2018 16:27 0

Фото: bnews.kz

Елбасы Нұрсұлтан Назарбаев бірқатар заңға қол қойды, деп хабарлайды Ақорданың баспасөз қызметі.

Мемлекет басшысы «Қазақстан Республикасының Үкіметі мен Иордан Хашимит Корольдігінің Үкіметі арасындағы Азаматтық қорғаныс, төтенше жағдайлардың алдын алу және оларды жою саласындағы ынтымақтастық туралы келісімді ратификациялау туралы» Қазақстан Республикасының Заңына қол қойды.

Сондай-ақ «Еуразиялық экономикалық қоғамдастыққа мүше бір мемлекеттің азаматтары Еуразиялық экономикалық қоғамдастыққа мүше екінші мемлекеттің аумағында еңбек қызметін жүзеге асыру кезінде ұшыраған өндірістегі жазатайым оқиғаларды тергеп-тексеру тәртібі туралы келісімді ратификациялау туралы» Қазақстан Республикасының Заңына қол қойды.