Белгілі болғандай, 22 жастағы Өзбекстан азаматы 14 шілде күні сағат 15.00-де "Дина" базарындағы егу пунктінен "Спутник V" вакцинасының екінші компонентін алмақ болады. Ол екпе алғанға дейін кезекте тұрып-ақ, медицина қызметкерлеріне дөрекілік танытып, вакцинаның жанама әсері туралы бейнежазба түсіремін деп қорқытқан. Одан кейін жігіт ауырып, аяқ-қолы құрысқан кейіп танытқаннан кейін облыстық аурухананың қабылдау бөліміне жеткізіліп, жағдайы тұрақты және ауруханаға жатқызуға көрсеткіштер болмағаннан кейін жарты сағаттан кейін үйіне жіберіледі.
"Өзбекстан азаматы "Спутник V" вакцинасының I компонентімен 2021 жылдың 16 маусымында егілген. Содан кейін, онда кері әсерлер мен асқынулар тіркелмеген, - дейді Атырау облыстық денсаулық сақтау басқармасының баспасөз қызметі.
Тиісті мекемелер тұрғындардың кез-келген арандатушылыққа ілеспей, тек қана ресми ақпарат көздеріне ден қоюын сұрайды.
Құралай Қуатова
