Қазақстанға тасымалданатын Ресейлік автокөліктердің саны азайып, Өзбекстаннан келетін көліктердің импорттық көлемі артады, деп хабарлайды ҚазАқпарат.
Өзбекстаннан келетін көліктердің нарықтағы үлесі 11,5% құрады.
Қазақстанға импортталатын жеңіл көлік саны қысқарған. Ағымдағы жылдың бірінші тоқсанында елімізге 4,7 мың автокөлік әкелінген, бұл былтырғы жылдың қаңтар-наурыз айларындағы көрсеткіштен 11%-ға төмен.
Үш жыл бұрын 2014 жылдың алғашқы үш айында елімізге 32,4 мың автомобиль импортталған, ол қазіргі жағдаймен салыстырғанда 7 есеге артық. Сонымен қатар, ресейден әкелінетін автокөліктердің бағасы қымбаттап кеткен. Ағымдағы жылы шеттен әкелінген жеңіл көліктердің жалпы құны 92,5 миллион долларға жеткен. Бұл 2016 жылдың осы кезеңіндегі бағамен салыстырғанда 41%-ға жоғары.
Айта кетейік, қазақстандықтардың басым бөлігі шеттен тасымалданатын көліктердің шамадан тыс қымбаттауына байланысты, бас тартып отыр. Бір жыл ішінде Қазақстанда тіркелген жеңіл автокөліктердің саны 7,5 мыңға төмендеп отыр.
