Танымал әнші Серік Ибрагимов Париж Олимпиадасының жүлдегері Елдос Сметовті жеңісімен құттықтап, біраз уақыт бұрын екеуінің белдескен видеосын өзінің парақшасына жүктеді, деп хабарлайды inbusiness.kz сайтының тілшісі.
"Олимпиада чемпионы, алтын жүлдегері, қазақтың батыры. Құтты болғай! Бәріне дәлелдеді. Үлкен жүрек иесі. Өзім дайындадым. Видеоның соңын көріңіздер! 5-6 жыл бұрынғы видео, ол кезде мен формада емес кезім", – деп жазды әнші.
Сондай-ақ, Париж Олимпиадасының чемпионы Елдос Сметовтың қанша гонорар алатыны белгілі болғанын жазған едік.
Заңнамаға сәйкес, қазақстандық Олимпиада чемпионы 250 мың доллар (118 миллион теңгеден астам) алады.
Сонымен қатар, күміс жүлдегерлер 150 мың доллар (71 миллион теңге), қола жүлдегерлер 75 мың доллар (35 миллион теңгеден астам) алады.
Сондай-ақ 4, 5 және 6-орынға сәйкесінше 30, 10 және 5 мың доллар көлемінде сыйақы қарастырылған.
Айта кетейік, 27 шілдеде Елдос Сметов Париж олимпиадасының алтын жүлдегері атанды. Оны Тоқаев құттықтағаны айтылды.
