Қостанайда облыстық ПД киберқылмысқа қарсы күрес бөлімінің қызметкерлері ер адамды ұстады, деп жазады inbusiness.kz Polisia.kz порталына сілтеме жасап.
Ақпаратқа сәйкес, алаяқ жергілікті тұрғыннан емге қажет деп 3 млн теңге сұраған.
"3 сәуірде Қостанайда облыстың 27 жасар тұрғыны ұсталды. Күдікті әлеуметтік желілер арқылы алдау, сенімін асыра пайдалану арқылы жалған парақша ашып, қыздың атынан емделу сылтауымен шамамен 3 млн теңге иемденді. Танысу барысында жәбірленуші алаяққа 5 айға жуық уақыт ақша аударып отырған. Полицейлер заттай дәлелдемелерді – банк карталарын, SIM карталарды және ұялы телефонды тәркіледі", - деді облыстық ПД киберқылмыспен күрес бөлімінің бастығы Олжас Мағыпаров.
Бүгінгі таңда сотқа дейінгі тергеу амалдары басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
