Бұл бір жыл бұрынғы көрсеткіштен 7,4%-ға жоғары. Яғни, 2018 жылы 3,5 мың жағдай тіркелген, деп хабаралады Ranking.kz.
Өз өзіне қол салғандардың басым бөлігі (3 мың) ер адамдар. Көрсеткіштер 2018 жылмен салыстырғанда 6,6%-ға өскен. Ал суицидке баратын әйелдер санының жалпы есепте аз болуына қарамастан, 2018 жылмен салыстырғанда бұл көрсеткіштер де 11,1%-ға артқан.
2019 жылы өз өзіне қол салуға 4,8 мың адам оқталған. Бұл 2018 жылдан 13%-ға жоғары (4,2 мың адам болатын). Өткен жылы 2,8 мың ер адам, 1,9 мың әйел өмірмен қош айтыспақ болған.
Жалпы суицидтердің 180-нін кәмелеттік жасқа толмаған балалар жасаған. Оның 121-і ұл бала, 59-ы қыздар. Ал өз өзіне қол салуға оқталу бойынша нәзік жандылар көш бастап тұр (270 қыз бала, 81 ұл).
Елдегі суицидтердің негізгі себептері: жалғыздық (294 жағдай), материалдық жағдайдың төмендігі (205), ауыр дерт (136).
Өңірлер бойынша бұл жағымсыз статистиканың алдыңғы қатарынан Алматы, ШҚО, Түркістан облыстары табылды.
