Пәкістанның оңтүстігіндегі Карачи қаласында бортында 99 жолаушы мен 8 экипаж мүшесі бар ұшақ апатқа ұшырады. Бұл туралы Reuters агенттігі хабарлады.
Ресми дерек бойынша, pk 8303 маркалы әуе кемесі елдімекенге құлаған. BBC басылымы оның салдарынан тұрғын үйлер қирап қалды деп мәлімдеді.
Әзірге апаттан қаза тапқандар мен жарақат алғандар туралы ақпарат жарияланбады. Сонымен қатар апатқа не себеп болғаны да әлі белгісіз. Оқиға орнына мамандар көп кешікпей тез жеткен. Қазір сол маңда құтқару операциясы жүріп жатыр.
Ескере кететін жайт, бұл апат Пәкістан әуе арқылы сауда тасымалына рұқсат бергеннен кейін бірнеше күн өткеннен соң орын алып отыр.
Табиғат Нұрболат
Фото: apnews.com
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
