Пәкістанның солтүстік-батыс Хайбер-Пахтунхва провинциясында болған нөсер салдарынан үйлер қирап, 14 адам қаза тапты, деп хабарлайды Inbusiness.kz жергілікті басылымдарға сілтеме жасап.
Қаза тапқандар – Торгар ауданы мен Абботтабад қаласының тұрғындары. Олардың басым бөлігі – әйелдер мен балалар. Жауын-шашын 11 қыркүйекте басталды. Хайбер-Пахтунхва провинциясында көшкін жүріп, су тасқыны болды. Шалғай аудандардағы елді мекендер арасындағы көлік байланысы тоқтап қалды.
Апат салдарын жою үшін билік зардап шеккен аудандарға құтқару топтары мен инженерлік техникаларды жіберді.
8 қыркүйекте Мексиканың Хидалго штатындағы су тасқыны кесірінен 17 адам ажал құшқан еді. Сол аймақта тұратын 30 мыңнан астам адам зардап шекті. Құтқару және жөндеу жұмыстарына әскерилер жұмылдырылды.
Табиғат Нұрболат
Фото: Globallookpress.com
