Сенбі күні, 11 қарашада Лондон қаласында палестиналықтарды қолдау шеруі өтті. Бұл 7 қазандағы ХАМАС-тың Израильге қарсы шабуылынан кейінгі төртінші шеру, деп хабарлайды inbusiness.kz сайты BBC жаңалықтарына сілтеме жасап.
Бұл акцияға ерекше назар аударылды. Өйткені, сол уақытта Лондонның орталығында 11 қарашада қаза тапқандарға арнап, дәстүрлі түрде еске алу күні ұйымдастырылды.
Жалпы, жыл сайын Ұлыбритания соғысқа қатысқан қаза тапқандардың барлығын еске алады.
Шерудің барысында полиция 100-ден астам адамды ұстады. Негізінен, олардың арасында шерудің мінез-құлқына наразылық білдірген, өздерін агрессивті ұстаған және полиция қызметкерлеріне әртүрлі заттарды лақтырған оңшыл топтардың өкілдері бар.
Шеру соңында, полиция демонстранттарға меңзеліп, үйге қайтуды ескерте бастады. Алайда, демонстранттардың кейбірі аспанға петардаларды ұшыраған.
