Коронавирус пандемиясы кезінде Дания елінің тұрғындары байи түскен. Bloomberg басылымының дерегінше, үшінші тоқсанда елдегі барлық отбасылардың жиғаны 5,66 трлн кронаға немесе 930 млрд долларға жеткен.
Яғни соңғы екі тоқсанда олардың активтері 709 млрд кронаға артқан. Елдің Орталық банкінің хабарлауынша, келесі тоқсанда нарық оңалса, бұл көрсеткіш тағы да өсуі мүмкін. Даниядағы бір отбасының орташа жылдық табысы – 2 млн крона немесе 327 мың доллар.
Экономикалық ынтымақтастық және даму ұйымының дерегінше, келесі жылы әлемдік экономиканың қалыпқа келу қарқыны бәсеңдей түседі, биыл еуроаймақ экономикасы 7,5%-ға қысқарады. Еуроодақта елдері ішінде індеттен ең аз шығын келген ел – Литва. Бұл елдің ЖІӨ-і небәрі 2,2%-ға кемиді.
Табиғат Нұрболат
Фото: dw.com
