Нұр-Сұлтанда өткен ақпараттық-консультативтік семинарда климаттық саясат және жасыл технологиялар департаментінің директоры Олжас Ағабеков Париж келісімі деген не және ол Қазақстанға қандай міндет жүктегенін мәлімдеді.
Айта кетейік, 2015 жылы желтоқсан айында БҰҰ-да климат жөніндегі Париж келісімі қабылданды. Құжатты 195 ел мақұлдап, жер бетіндегі орташа температураның 2 градустан артық көтерілуіне жол бермеуге уағдаласты. Аталмыш келісімге біздің ел 1 жылдан кейін қосылды.
"Қазақстан 2016 жылғы 3 тамызда Париж келісіміне қол қойды және 4 қарашада оны ратификациялады. Осы арқылы 2030 жылға дейін парниктік газдардың шығарындыларын 330 млн тоннадан асырмау міндеттемесін алды. Кейін бұл бастама 2050 жылға дейін жалғасатын болды. Мұндағы мақсат жасыл инвестиция нарығын дамыту, таза экологиялық орта құру болды", – деді Олжас Ағабеков.
Қанат Махамбет
