DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 311,62 Brent 36,55
Парижде Эйфель мұнарасының 130 жылдығы атап өтілді

Парижде Эйфель мұнарасының 130 жылдығы атап өтілді

Әлемге әйгілі сәулет құрылысының мерейтойына орай түрлі салтанатты шара ұйымдастырылды.

18 Мамыр 2019 12:10 293

Парижде Эйфель мұнарасының 130 жылдығы атап өтілді

Алдымен 1300 бүлдіршін 19-шы ғасырдағы киімдерді киіп мұнараны толтырса, кешкісін әсем отшашулар шоуы болды.

Айта кетейік, биіктігі 324 метр болатын Эйфель мұнарасын инженер Гюстав Эйфель 1889-шы жылы Дүниежүзілік көрмеге орайластырып салған болатын. Сол дәуірдегі техникалық әлеуетті көрсетуді мақсат еткен сәулет құрылысы 2 жылдан астам уақыт тұрғызылды. Бастапқыда шаһар тұрғындары мұнараны ұнатпады да. Бірақ уақыт өте келе ол елдің басты символының біріне айналды.

Тегтер:

Париж отшашу

inbusiness.kz-ті қараңыз, оқыңыз :

Ақтөбеде 200-ге жуық сапасыз пиротехникалық бұйым тәркіленді

Бүгінде қала базарлары мен сауда орындарында отшашулар мен өзге де өнімдер көбейген.  

31 Желтоқсан 2019 09:44 170

Ақтөбеде 200-ге жуық сапасыз пиротехникалық бұйым тәркіленді

Ақтөбенің сауда орындарынан 200-ге жуық сапасыз пиротехникалық бұйым тәркіленді, деп хабарлайды 24.kz.

Осыған орай, облыстық тауарлар мен көрсетілетін қызметтердің сапасын және қауіпсіздігін бақылау департаментінің мамандары, тұрғындарға отшашуларды пайдалануда сақ болуды ескертіп отыр. Әсіресе, петардаларды балалардың жақпауын сұрайды. Сондай-ақ кез келген пиротехникалық бұйымды тұрғын үйден 50 метр қашықтықта қолданған дұрыс дейді.

Бүгінде қала базарлары мен сауда орындарында отшашулар мен өзге де өнімдер көбейген.  

«Сауда нысандарынан жарамдылық мерзімі өткен бұзылу белгілерімен және қолдану нұсқамасы жоқ пиротехникалық бұйымдарды сатып алмауды ескеру керек. Сонымен қатар пиротехникалық бұйымдарды сататын жеке тұлға, заңды тұлғалар міндетті түрде осы сатылып жатқан бұйымдарына Кеден одағының сәйкестігі жөнінде декларацияның болуы керектігін ескертеміз»,– дейді облыстық тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Гүлбану Дәулетова.

Балконда отшашу атпақ болған ақтөбелік ауруханаға түсті

Жағдайы ауыр. Оның оң жақ қолының еті жыртылып, саусағы зақымданды. Науқас травматикалық шок алды

02 Қаңтар 2019 13:23 500

Балконда отшашу атпақ болған ақтөбелік ауруханаға түсті

30 жастағы ақтөбелік Жаңа жыл мерекесінде жансақтау бөліміне түсті. Оның қолында отшашу жарылып кетті, деп хабарлайды ҚазАқпарат.

Ақтөбеде мереке күні жедел жәрдем қызметіне жүгінгендер аз болмады. 31 желтоқсан күні сағат 18:00 мен 1 қаңтарда сағат 8:00-ге дейін қала тұрғындарынан 400-ден астам шақыру келіп түсті. Жедел жәрдем бригадасы 383 жерге барса, диспетчерлер 18 шақыртуға телефон арқылы кеңес берді. Көбінің қан қысымы, ал балалардың дене қызуы көтерілді. Жүрегі ауырған 6 адам шұғыл жансақтау бөліміне жеткізіліп, жатқызылды. Жаңа жыл түні түрлі отшашудан жарақат алғандар да тіркелді. Дәрігерлер осындай оқиға болған 15 жерге барды.

«Сағат түнгі 12-ден 21 минут өткенде отшашудан зақым алған адамға көмек сұралды. Жедел жәрдем шақыртуға 9 минутта жетті. 30 жастағы ақтөбелік балконда отшашу атпақ болған. Бірақ үлгермей, петард қолында жарылып кеткен. Ол бірден облыстық жедел жәрдем ауруханасына түсті. Жағдайы ауыр. Оның оң жақ қолының еті жыртылып, саусағы зақымданды. Науқас травматикалық шок алды», - деп хабарлады Ақтөбе облыстық денсаулық сақтау басқармасының өкілі.

Жаңалықтарға жазылу: