Олимпиада ойындарына жеті айдан аз уақыт қалды, ал Париждегі қонақ үйлерде тұру бағасы оларды өткізу кезеңіне дейін 3 есеге өсті. Бұл туралы inbusiness.kz сайты Euronews телеарнасының жаңалықтарына сілтеме жасап хабарлайды.
Бұл туралы UFC-Que Choisir тұтынушылардың құқықтарын қорғау қауымдастығы жүргізген зерттеуде айтылған. Сарапшылардың пайымдауынша, Олимпиада жақындаған сайын бұл өсім жалғасады және тіпті 500%-ға дейін жетуі мүмкін.
Бұдан бөлек, Париждегі ең қарапайым қонақ үйлер де қазір бәріне бірдей қол жетімді емес.
"Біз қазір Парижге келгенімізге қуаныштымыз, себебі Олимпиада кезінде біз келе алмаймыз", - деді турист.
"Мен Олимпиадаға келмеймін, өйткені баға тым жоғары", - деді тағы бір турист.
Сонымен қатар, қонақ үй иелері алдағы ойындарға ұйымдастырушылық пен қызығушылықтың арқасында өздеріне барынша пайда алуға тырысып жатыр.
"Классикалық кезеңде классикалық бөлменің орташа бағасы 330 еуроны құрайды, ал Олимпиада ойындарының басында, шамамен 26 шілдеде ол 530-ға дейін көтеріледі", - деп түсіндірді Hôtel du Muguet қонақ үйінің иесі Шарлин Пеллетье.
"Мен осы саладағы бәсекелестерімді қуып жетуім қажет. Олимпиада ойындары – өте ерекше және ауқымды шара. Сондықтан, біз де одан барынша пайда алуға тырысамыз", - деп қосты ол.
Ойындар кезінде күтілетін жаппай бағаның өсуін шектеу үшін Франция билігі бүкіл ел бойынша 10 мың қонақ үй мен мейрамханаларды тексереді.
Айта кетейік, Олимпиада ойындары кезінде Франция астанасына 16 миллион турист келеді деп күтілуде.
