Парламент 2018-2020 жылдарға арналған бюджетті қабылдады. Бүгін мәжілістің жалпы отырысында депутаттар жоғары палатаның ұсыныстары мен өзгертулерін ескере отырып құжатты қайта бекітті. Әлеуметтік салаларға біршама басымдық берілуді жөн деген сенаторлар мемлекеттік шығыстардың 85,6 млрд теңгеге арттырған. Оның 22 млрд 2018 жылдың бюджетіне қатысты. Есесіне, "Құрық" құрылысы мен ішкі істер қызметіне бөлінген қаржы азайтылды.
Сонымен, 2018 жылға - 9,218 трлн теңге, 2019 жылға - 9,798 трлн теңге, ал 2020 жылға - 10,220 трлн теңге жұмсалуға тиіс. Заңнамаға сәйкес, енді парламент бекіткен құжат бірден президенттің қол қоюына жіберіледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
