"Қолданыста "Тәуелсіз Қазақстанның Негізін салушы, Қазақстан Республикасының Тұңғыш Президенті – Елбасы іргесін қалаған Республика қызметінің түбегейлі принциптерін және Қазақстан Республикасының Тұңғыш Президенті – Елбасының мәртебесін өзгерту" деген сөздер бар, оны Парламент Сенаты алып тастауды ұсынды. Қорыта келгенде, "Республикалық референдум туралы" Қазақстан Республикасының Конституциялық заңына өзгерістер мен толықтыру енгізу туралы" Конституциялық заң жобасына Парламент Сенаты енгізген толықтырумен келісуді ұсынамыз", – деді депутат Қожахметов.
Ұсынысты әріптестерді қолдады.
Айта кетейік, президент Конституцияны өзгертуді бекіту үшін референдум болатынын айтты. Осыған байланысты "Референдум туралы" заң жобасы әзірленді. Қолданыстағы заңға сәйкес, "Тұңғыш Президент" туралы норма референдумға шығарылмауға тиіс болатын. Бірақ енді ол халық дауысқа салып, қажет етпесе алып тастайтындай болып өзгертілді. Бүгін таңертең сенат депутаттары құжатқа осындай өзгерту енгізді, түстен кейін мәжілістің жалпы отырыс ұйымдастырылып, төменгі палата депутаттары келісім берді.
Тасқын Болатұлы
