Никол Пашинян Арменияның премьер-министрі болып тағайындалды, деп хабарлайды Inbusiness.kz ел президенті Армен Саркисянның ресми сайтына сілтеме жасап
Пашинянды ұсыну туралы бұған дейін депутат Назели Бағдасарян Facebook-тегі парақшасында жазған еді.
"Армения Конституциясы мен Ұлттық жиналыс регламенті туралы заңды негізге ала отырып, Армения премьер-министрі қызметіне Никол Пашинян ұсынылсын", – деп жазылған құжатта.
Жаңадан сайланған Армения парламенті 1 тамызда жұмысын бастады. Бірінші отырыста спикер және вице-спикер, тұрақты комиссиялардың басшылары сайланып, үкімет құрылымындағы өзгерістер бекітіледі.
Парламентте 107 депутат жұмыс істейді. 71-і – "Азаматтық шарт" партиясыныкі, 29-ы – экс-президент Роберт Кочарянның "Армения" блогынан, 7-і – "Құрметім бар" блогынан.
Табиғат Нұрболат
Фото: tass.ru
