Паспорт күшін бағалайтын рейтингте https://www.passportindex.org/ru/byRank.php Қазақстан индексі – 82. Индекс неғұрлым жоғары болса, елдің паспорты соғұрлым мықты болады. Индексті есептеуге паспорттардың ұтқырлығы (MS), визасыз режим (VF), келу визасы (VOA), eTA және eVisa (егер 3 күн ішінде берілсе) және адамның даму индексі қарастырылады.
Рейтингке БҰҰ-ға мүше 193 ел, Қытайдың алты аумағы: Тайвань, Макао (Қытай ОАР), Гонконг (Қытай ОАР), Косово, Палестина аумағы және Ватикан қатысты.
"Қазақстан азаматтары 34 елге визасыз бара алады, 48 елге барған соң виза аштыра алады, 116 елге тек тиісті визамен кіре алады", – деп жазылған дереккөзде.
Әлемдегі ең күшті төлқұжат – БАӘ азаматтарында. Оларға 110 елде – визасыз режим, Ал 53 елдің визасын барған соң аштыра алады.
Рейтингтің соңғы орнында – Ауғанстан. Визасыз режим – тек төрт елге. 31 елде визаны барып алуға болады.
ТМД елдері арасында Украина, Молдова, Ресей және Беларусь азаматтарының паспорттары Қазақстандықтардың паспорттарына қарағанда күшті болып саналады. Әзірбайжан, Армения, Қырғызстан, Өзбекстан, Тәжікстан және Түркіменстанның паспорттары қазақстандықтардан төмен.
Естеріңізге сала кетейік, 2021 жылы Қазақстанға 11 мың адам көшіп келді – бір жыл бұрынғыға қарағанда 4,1%-ға аз. Сонымен қатар елден кеткендер саны бір жылда 10,6%-ға (32,2 мың адам) өсті.
Азаматтардың көпшілігі Қазақстанға Өзбекстаннан келді (4,2 мың адам). Көшбасшылар үштігіне Ресей мен Қырғызстан кірді. ТМД құрамына кірмейтін елдерден Қазақстанға ең көп келгендер Қытайдан, Түркиядан және Ауғанстаннан.
Ең көп эмигрант ҚР-дан Ресейге кетті (2021 жылы 26,7 мың адам – бір жыл бұрынғыға қарағанда 6,1%-ға артық). ТМД елдері арасында қазақстандықтар арасында эмиграцияның басқа да танымал бағыттары – Беларусь пен Өзбекстан.
ТМД құрамына кірмейтін елдер арасында ҚР-дан Германия, Польша және АҚШ-қа жиі көшеді.
Алайда қалыптасқан геосаяси жағдайға байланысты ағымдағы жылы Қазақстаннан және Қазақстанға көші-қон ағыны түбегейлі өзгеруі мүмкін.
