Ертіс өңірінде көптеген адамдарда аллергияның пайда болуының себепкері - циклахенаның өсуіне қатысты мәселені шешу жолы қолға алынды, деп хабарлайды pavlodarnews.kz.
Бұл туралы көшпелі кеңесте өңір басшысы Болат Бақауов мәлімдеді. Ол өз сөзінде сырттай бір қарағанда зиянсыз көрінетін шөптің қаншама проблема тудыратынын атап өтті.
"Біздің мамандарымыз жусан мен терек сияқты, циклахенаға да жазда көптеген Павлодардың тұрғындарында аллергия пайда болады деген сенімд", - деді әкім. - Сонымен қатар, ол айналасындағы өсімдіктерді жойып, барлық жаңа алаңдарды басып алады. Сондықтан бұл арамшөппен күресу керек. Әрбір әкім оның ауылының айналасына циклахена өсіп келе жатыр ма екенін анықтауы тиіс. Мәселенің ауқымдылығы туралы білсек, осы өсімдікке қарсы күрестің механизмін де түсінеміз".
Республикалық фитосанитарлық диагностика мен болжамдар әдістемелік орталығында мәселе зерттелген. Павлодар облысында циклахена жолдар мен аулалардың дуалдарын бойлай өседі, ал ауыл шаруашылық алаңдарында әзірге табылмаған.
Орталықтың облыстық филиалының басшысы Владимир Панковтың айтуынша, циклахена аумағы облыс бойынша 38 гектардан аспайды. Алайда, павлодарлық биологтар бұл көрсеткіш айтарлықтай көп болуы мүмкін деген пікірде.
Айта кетерлігі, циклахенамен байланысты мәселені зерттеу кезінде тағы бір жайт анықталды: Павлодар облысында аллергологтар жетіспейді. Бүгінде өңірде тек үш маман жұмыс істейді, ал норматив бойынша 50 мың адамға бір аллерголог тиесілі. Облыс әкімі бұл мәселемен айналысуға уәде берді.
