Ақтоғай ауданында прокуратура жүргізген тексеру нәтижесінде ауыл шаруашылығы мақсатындағы жер учаскелерін заңсыз беру фактілері анықталды, деп хабарлайды inbusiness.kz сайты.
Тексеру барысында тұщы және тұзды көлдер, сондай-ақ тұз өндіруге пайдаланылатын су айдындары орналасқан үш жер учаскесі конкурсқа шығарылғаны белгілі болды.
Алайда конкурс құжаттамасын әзірлеу кезінде Су кодексі талаптары сақталмай, міндетті рәсімдер мен келісімдер алынбаған.
Соның салдарынан жалпы аумағы 60 гектардан асатын, мемлекет қорғауындағы су ресурстарына заңсыз қол жеткізу қаупі туындаған.
Прокурорлық қадағалау актісінің нәтижесінде заңсыз конкурс қорытындылары жойылып, барлық заң бұзушылықтар қалпына келтірілді.
Құзырлы органдардың мәліметінше, табиғи ресурстарды қорғау саласындағы мемлекеттік мүдделер толық қамтамасыз етілді.
Заң бұзушылықтарға жол берген жауапты лауазымды тұлғалар тәртіптік жауапкершілікке тартылды.
