DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 311,62 Brent 36,55
Павлодар облысында «Бақытты отбасы» арқылы 28 отбасы пәтерлі болады

Павлодар облысында «Бақытты отбасы» арқылы 28 отбасы пәтерлі болады

Ал еліміз бойынша 1100-ден астам отбасыға 12 миллиард теңгелік несие мақұлданған. 

22 Тамыз 2019 17:25 808

Павлодар облысында «Бақытты отбасы» арқылы 28 отбасы пәтерлі болады

Павлодар облысында «Бақытты отбасы» бағдарламасы аясында 280 өтінім түскен болса, оның 28-і мақұлданған. Бұл туралы «Тұрғын үй құрылыс жинақ банкі» АҚ басқарма төрағасының орынбасары Нұрлан Ақшанов «Zhilstroy River Party» туры кезінде мәлім етті, деп хабарлайды pavlodarnews.kz.

«Елбасының бастамасымен биыл аз қамтылған отбасыларға баспана ұсыну үшін «Бақытты отбасы» бағдарламасы қолға алынғаны белгілі. Оған 4-тен көп баласы бар, толық емес және мүгедек балаларды тәрбиелеп отырған отбасылар қатыса алады. Шарт бойынша отбасының әр мүшесіне шаққандағы табысы 40 мың 500 теңгеден аспауға тиіс. Бағдарлама іске қосылғанына 1 ай болды»,– дейді Нұрлан Ақшанов.

Спикер еліміз бойынша 1100-ден астам отбасыға 12 миллиард теңгелік несие мақұлданғанын және олар қазір пәтерлерін іздеуге кіріскенін айтады.

«Биылғы лимит 50 миллиард теңгені құрайды. Бағдарламада 2 пайыздық несие беріледі. Оны 25 жылға дейін алуға болады. Алғашқы жарна – 10 пайызды құрайды. Ешқандай комиссия төленбейді. Сондықтан бұл талапқа сай отбасыларды әкімдіктен барып, жолдама алуға шақырамыз. Біз тек жолдамамен жұмыс жасаймыз. Бағдарлама 3 жылға арналған. Сондықтан қазір бізге келіп ақша жинап, кейін несие алуына болады», – дейді Нұрлан Ақшанов.

Бұдан бөлек, «Тұрғын үй құрылыс жинақ банкі» АҚ облыс әкімдігінің ұсынысымен «Нұрлы жер» бағдарламасы аясында Павлодар қаласында 5 үй салуды жоспарлауда.

inbusiness.kz-ті қараңыз, оқыңыз :

Көпбалалы аналарға тігін және қолданбалы өнердің қыр-сыры үйретілуде

Бұл игі жоба көпбалалы және аз қамтылған әйелдерге өз кәсіптерін ашуға ықпал етері сөзсіз.  

11 Наурыз 2020 09:38 183

Көпбалалы аналарға тігін және қолданбалы өнердің қыр-сыры үйретілуде

Тараз қаласында алғаш рет «Көне-Тараз» тарихи-этномәдени кешенінің «Көрме» павильонында «Көрпе FEST»  мегафестивалі өтті, деп хабарлайды Жамбыл облысы әкімінің баспасөз қызметі. Жамбыл облысы әкімдігінің қолдауымен өткен шарада белгілі этнодизайнер, республикалық «Алтын сапа» сыйлығының лауреаты, Ырза Тұрсынзаданың шығармашылығы көпшілік назарына ұсынылды. Сонымен қатар, тігін және қолданбалы өнер бойынша оқыту семинарлары, әлеуметтік желілерде бизнесті жүргізу бойынша шеберлік сабақтары ұйымдастырылды.

Аймақ басшысы Бердібек Сапарбаев мегафестивальға арнайы барып, шеберлердің қолынан шыққан бұйымдармен танысты. Өз сөзінде аймақ басшысы ұлттық қолданбалы өнерді дамытудың, қазақ халқының ұлттық құндылықтарын, салт-дәстүрлерін насихаттаудың маңыздылығына назар аударды.

«Көктемнің алғашқы күндері Халықаралық әйелдер күні мерекесін тойлаймыз.  Бұл мерекеде барлығымыз өмір сыйлаған аналарымызға құрмет білдіреміз. Барлық жылылық мен мейірімділік сіздерге тән. Біз сіздердің алдарыңызда бас иеміз. Қазақта «Ана бір қолымен бесікті, екінші қолымен – бүкіл әлемді тербетеді» деген дана сөз бар. Сіздер тек үй шаруасымен ғана емес, сонымен қатар ұлттық салт - дәстүрлерді насихаттай отырып, осы секілді сүйікті істеріңізбен де айналыса аласыздар», – деп атап өтті облыс әкімі.

Бұл игі жоба көпбалалы және аз қамтылған әйелдерге өз кәсіптерін ашуға,  олардың бойларындағы бейімдіктерін дамытуға, сондай-ақ ұлттық қолөнер саласын насихаттауға ықпал етері сөзсіз.

Айта кету керек, фестиваль аясында үш кезеңнен тұратын байқау өтті. Сондай-ақ, «Аналар аманаты» атты тегін семинар-тренинг ұйымдастырылып, қатысушылар құрақ көрпе, ұлттық стильдегі көрпелер және басқа да қолданбалы өнер бұйымдарын жасаудың қыр-сырың меңгерді.

Аталған байқау жеңімпаздарына «Алтын орда» авторлық дизайн үйінің сертификаттары мен тігін машиналары және басқа да бағалы сыйлықтар табыс етілді.

Шымкенте 271 отбасыға ақшаны қайтару жөнінде хабарлама жіберілді

Атаулы әлеуметтік көмекті өткен жылы әл-ауқатты отбасылар да алғандығы белгілі болды.

10 Қаңтар 2020 12:36 279

Шымкенте 271 отбасыға ақшаны қайтару жөнінде хабарлама жіберілді

Шымкентте атаулы әлеуметтік көмек алудан 30 мыңнан астам отбасы үмітті. Құжаттарды қабылдау басталған күнен бастап, олардың 1500-і құжат тапсырған, деп хабарлайды otyrar.kz.

Мамандар ай соңына дейін құжат тапсырушыларды толық қамтимыз деп отыр. Ол үшін қазір АӘК құжат қабылдау бөлімдерінде барлық жағдай қарастырылған. 80-ге жуық ерікті келушілерге жол сілтеп, кімге қалай жолығу керектігін көрсетіп жүр.

Еске сала кетейік, мемлекеттік жәрдемақы нағыз мұқтаж жандарға беріледі. Өйткені, өткен жылы бұл көмекті әл-ауқатты отбасылар да алғандығы белгілі болған. Яғни, 271 жанұяға ақшасын қайтару жөнінде хабарлама жіберілген.

Биыл бұл олқылық қайталанбас үшін, жаңа бағыттағы атаулы әлеуметтік көмекті тағайындау үшін комиссия мүшелерінің құрамы күшейтілген.

Жаңалықтарға жазылу: