Департамент басшысы атап өткендей, мұндай шешім коронавируспен сырқаттану жағдайларының жалғасуына және жалпы елдегі эпиджағдайдың нашарлауы себеп болды.
"Сол себепті Павлодар облысының бас санитарлық дәрігерінің №16 қаулысы жарияланды. Ол ертеңнен бастап күшіне енеді", - деді Батырбек Әлиев.
Айталық, ертеңнен бастап "Ashyq" жобасына қатысатын объектілерді қоспағанда, облысаралық, облысішілік, қалааралық (Павлодар-Ақсу, Павлодар-Кемеңгер, Павлодар-Заңғар бағыттарын қоспағанда), ауданаралық автобус, шағын автобус жолаушылар тасымалы, облысаралық, қалааралық тұрақты емес "туристік" тасымалы тоқтатылады.
Оған қоса, балалар ойын-сауық орталықтарының (ойын алаңдары, жабық үй-жайлардағы аттракциондар), мәдениет объектілерінің, театрлардың, кинотеатрлардың, концерт залдарының, спорттық іс-шаралар өткізуге тыйым салынады.
Демалыс күндері сауда үйлері, қалалық автобустардың жұмысы тоқтатылады.
Жұмыс күндері "Ashyq" жобасына қатысатын қоғамдық тамақтану орындары мен фудкорттардың қызметі 20:00-ге дейін, қатыспайтындардың жұмысы 18:00-ге дейін шектеледі. Ал демалыс күндері мұндай нысандар жұмыс істемейтін болады.
