Павлодар облысында карантин талабы күшейді, деп хабарлайды inbusiness.kz порталы pavlodarnews.kz-ке сілтеме жасап.
Павлодар облысы бас санитар дәрігерінің 4 шілдедегі қаулысы қол қойылған күнінен бастап, күшіне енді.
COVID-19 коронавируспен сырқаттану жағдайларының жалғасуына және елдегі эпидемиологиялық ахуалдың нашарлауына байланысты ведомствоаралық комиссияның отырысында шектеу шараларын қатаңдату туралы шешім қабылданды.
Қаулыға сәйкес төмендегідей өзгерістер енгізілді:
- облысаралық, облысішілік, қалааралық, ауданаралық автобус, шағын автобус жолаушылар тасымалдарына (Павлодар-Ақсу, Павлодар-Кемеңгер, Павлодар-Заңғар бағыттарын қоспағанда);
- мәдениет объектілерінің (дайындықтар), театрлардың, кинотеатрлардың, концерт залдарының қызметіне, спорттық іс-шаралар өткізуге;
- еске алу іс-шарасын өткізуге, банкет залдарының қызметіне;
- күндізгі режимде кеңестер (отырыстар) өткізуге;
- демалыс күні азық-түлік жәрмеңкелерінің жұмысын ұйымдастыруға;
- бильярд, компьютерлік клубтардың, боулингтердің, балалардың ойын-сауық орталықтарының жұмысына тыйым салынады.
Жұмыс тәртібі бойынша шектеулер:
- мектепке дейінгі балалар мекемелерінің кезекші топтарында балалар саны 25-тен аспауы керек.
- діни объектілер жұмысын жалғастыра береді, алайда жабық үй-жайларда ұжымдық іс-шаралар өткізбейді;
- қызметкерлердің 80% қашықтан жұмыс істеу режим істеуі керек.
- қоғамдық тамақтану объектілерінің жұмыс уақытын сағат 9.00-ден 20.00-ге дейін, толымдылығы 50%-ға дейін, адам саны 30-дан аспауы тиіс, асхана типі бойынша объектілер – сағат 24.00-ге дейін; туризм объектілерінің, халықтың тұрғылықты жері бойынша қызмет көрсету саласындағы ұйымдардың қызметі 80%-дан артық болмауы тиіс;
- түзету кабинеттері, балалар және ересектерге арналған білім беру орталықтарында адам саны 15-тен аспауы тиіс.
Сенбі және жексенбі күндері сауналар, СПА-орталықтар, бассейндер, спорт нысандары, жабық базарлар, СОО, сауда үйлері, сауда желілері (азық-түлік тауарларын сататын объектілерді, дәріханаларды, сұлулық салондарын, сабын-жуу тауарларын, гигиена құралдарын, зоотоварларды, білім беру үйірмелерін, вакцинация пункттерін, сондай-ақ "Ashyq" жобасына қатысатын объектілерді қоспағанда жұмыс істемейді.
