Өткен жылы Павлодар облысының шаруалары малды қыстаққа қою, оларды жем-шөппен қамту ісіне тыңғылықты дайындалды. Соның нәтижесінде әзірше еш қиындық жоқ, деп хабарлайды inbusiness.kz тілшісі.
Былтыр өңірде шөптің бір жарым жылдық қоры дайындалған болатын.
Атап айтқанда, шаруалар 1 058 тонна мал азығын жинады. Шөп шабу кезінде кедергілер туындамас үшін шаруаларға 4 мың тонна арзандатылған дизель отыны бөлінді. Оның бір литрі нарықтағы бағадан 15-20%-ға төмен, яғни 164 теңгеден сатылды. Сонымен қатар облыстық бюджеттен жем-шөпті субсидиялау үшін 1,5 млрд теңге қарастырылды.
"Жалпы өңірде 1 018 шалғайдағы мал шаруашылығы учаскелері бар. Олардың 457-сінде төрт түлік қыстайды. Мал қыстауының жұмыстары басқарманың жіті бақылауында", – дейді облыстық ауыл шаруашылығы басқармасының басшысы Нұрболат Мақашев.
Сондай-ақ ол биыл мал шаруашылығын субсидиялауға 6,5 млрд теңге көзделіп отырғанын айтты.
Ажар Дәулетова
