Павлодар облысы Қашыр ауданындағы №3 мектеп базасында 5-10 сынып оқушыларына арналған "RoboStroy" бірінші аудандық робот техникасы фестивалі өтті, деп хабарлайды pavlodarnews.
Жарысқа алты команда, 30 қатысушы қатысты. Фестиваль үш кезеңде өтті: бірінші - "Бір түзумен жүр", екінші - "Сумо" күресі", үшінші - "Роботтарды жина".
"Көпшілігіміздің түсінігімізде роботты техника - ғылым мен фантастиканың бағыты, мүмкін, сол себептен де роботпен байланыстының бәрі балалардың қызығушылығын туғызады. Маңыздысы, робототехника басқа мектеп пәндері дамытпайтын, оқушылардың механикалық қабілеттерін арттыруға қызмет етеді", - дейді қазылар алқасының мүшесі, Ынталы мектебінің информатика мұғалімі А.М. Құсмиденов.
Фестиваль нәтижесінде "Бір түзумен жүр" номинациясында бірінші орынды Песчан №1 жалпы орта білім беру мектебінің (ЖОМ) оқушысы Михаил Колосов, екінші орынды Александр Никифоров иеленсе, үшінші орынға Качир №1 ЖОМ оқушылары Алина Маковец, Александр Агапитов лайық деп танылды.
"Сумо" номинациясында Песчан №1 мектебінен Виктория Григорчук, Качир №1 мектебінен Иван Демидюк, Влад Елгин көш бастады. Ал, "Роботты жина" номинациясында Качир №3 ЖОМ оқушылары Шыңғыс Түгелбай, Иса Рамазан жеңіске жетті. Екінші орынға Береговой білім ордасынан Расул Қасан, Эльдар Жантеміров лайық деп танылды. "Creative proekt" шығармашылық жобасында түрлі номинациялар бойынша Качир №3 ЖОМ, Песчан №2 ЖОМ, Береговой ЖОМ командалары көзге түсті. Жеңімпаздар мен жүлдегерлер грамоталармен және құнды сыйлықтармен марапатталды.
