Павлодар облыстық орман шаруашылығы және жануарлар дүниесі аумақтық инспекциясының мәліметінше, ҚР Экология, геология және табиғи ресурстар министрінің 2022 жылғы 10 маусымдағы №211 бұйрығымен аң аулау объектілері болып табылатын жануарлар түрлерін алу 2022 жылғы 1 шілдедегі кезеңге арналған лимиттері бекітілді (2023 жылғы 15 ақпанды қоса алғанда).
– Павлодар облысының аумағында байбақ суырын аулау кәсіпшілік болып табылады. Баянауыл ауданында орналасқан "Южное", "Жаңа жол" және "Ұзынбұлақ" аңшылық шаруашылықтарында және Екібастұз қаласының жерлерінде орналасқан "Екібастұз" аңшылық шаруашылығында 2022 жылғы 1 шілдеден бастап ашылды, – дейді инспекцияда.
Аңшылық шаруашылығы субъектісінің өтінімі бойынша 2022 жылы суырларды аулауға квота 1 600 басты құрады.
2021 жылғы мәліметтер бойынша, ареал аймақтағы суырлардың жалпы саны 112 мың. Суырларды аулауға жолдамаларды сатуды "Павлодар аңшылар мен балықшылар қоғамы" қоғамдық бірлестігі жүргізеді.
