Павлодар облысында 2017 жылғы тамыз айында азық-түлік тауарлары бойынша шұжық, еттен жасалған өнімдердің бағасы 7,5%-ға, сүт өнімдері – 1,9%-ға өсуі байқалды, деп хабарлайды ҚР ҰЭМ статистика комитеті.
Тұтыну бағаларының индексі 99,7%-ды, азық-түлік тауарлары 98,7%-ды, азық-түлік емес тауарлары 100,6%-ды, ақылы қызметтер 100,2%-ды құраған. Сонымен қатар қырыққабат және картоп бағасы 30%-дан, қызылша – 27%-ға, пияз – 13%-ға, сәбіз – 4,4%-ға, құмшекер – 3,5%-ға, жұмыртқа – 2,1%-ға төмендеген.
Азық-түлік емес тауарлары нарығында қеңсе тауарлары бағасы 6,7%-ға дейін, фармацевтикалық өнімдері – 1,4%-ға, киім және аяқ киім – 1,1%-ға, дизельдік отын – 0,6%-ға өсті. Ақылы қызметтер бойынша әуе және теміржол жолаушылар көлігінің қызметтерінің бағасы орташа 1,5%-ға өсті.
