Павлодар облысында үш әкімге сөгіс берілді. Бұл туралы аймақ басшысы Асайын Байханов өзінің Instagram парақшасында жазды, деп хабарлайды inbusiness.kz сайты.
Облыс әкімінің айтуынша, бұған дейін осы мәселені талқылау барысында барлық әкімдерге қарды уақтылы шығару және тұрғын үйлерді су басуға жол бермеу үшін жеке бастарымен жауапты екендері ескертілген.
Су тасқыны жағдайына ерекше назар аударылғанына қарамастан, бірқатар әкім бұл тапсырманы орындамаған және су тасқынына қарсы қажетті іс-шараларды тиісті деңгейде жүргізбеген.
"Бүгінгі таңда облыс бойынша 14 қауіпті учаске бақылауға алынып, онда 133 адам, 51 бірлік арнайы техника, 35 мотопомпа жұмылдырылды.
Павлодар мен Тереңкөл аудандарының, сондай-ақ, Ақсу қаласы әкімдерінің жұмысын қанағаттанарлықсыз деп санаймын. Су тасқынына қарсы іс-шараларды жүргізудегі бақылаудың әлсіздігі үшін оларға қатаң сөгіс жарияланды", - деді Асайын Байханов.
