/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Павлодар облысында үздік ауыл әкімі анықталды

Павлодар облысында үздік ауыл әкімі анықталды

Үздік әкім Ақтоғай ауданының Жалаулы ауылында тұрады.  

02 Тамыз 2020 20:51 432

Павлодар облысында үздік ауыл әкімі анықталды

Павлодар облысында үздік ауыл әкімі анықталды. Конкурсқа жасы бар, тәжірибелісі бар, барлығы 15 ауылдық округтің әкімі қатысты. Арнайы комиссия олардың ішінен үздік бес әкімді іріктеп алды. Осылайша, конкурста Ақтоғай ауданы Жалаулы ауылдық округінің әкімі Азамат Медетов топ жарып, үздік шықты.

Мұндай байқау Павлодар облысында биыл алғаш рет ұйымдастырылды. 

44 жасар Азамат Медетов Жалаулы ауылының тумасы. Еңбек жолын мұғалімдіктен бастаған. Кейін сол ауылдағы мектептің директоры болды. 2011 жылы мемлекеттік қызметке ауысқан.

Жалаулы ауылдық округіне төрт ауыл қарайды. Олар – Жалаулы, Шолақсор, Қарасу және Балатасап елдімекендері. Округте 968 адам тұрады. Округте 1 ЖШС, 42 фермелік шаруашылық, 3 шаруа қожалығы, 12 жеке кәсіпкерлік жұмыс істейді.

«Менің жұмыс күнім басым жастыққа тигенде ғана аяқталады. Ал оған дейін ауылдастарымның проблемаларын, ұсыныстарын тыңдауға әзірмін. Менің өмірім осы өңірмен тікелей байланысты. Жалаулы – жұмақ мекенім», – дейді Азамат Медетов.

Еске сала кетейік, Азамат Медетов мемлекеттік қызмет саласындағы ірі байқауда топ жарған алғашқы ақтоғайлық емес. Бұған дейін Ақтоғай ауданы әкімі аппаратының жетекшісі Дидар Ибраев Қазақстаның «Үздік мемлекеттік қызметшісі» атанған болатын. 

Фархат Әміренов

Биыл Шымкенттен Павлодарға 54 отбасын көшіру жоспарланған

Былтыр қаладан 81 отбасы Солтүстік Қазақстан, Қостанай, Павлодар, Шығыс Қазақстан облыстарына қоныс аударған.

24 Ақпан 2019 00:24 820

Биыл Шымкенттен Павлодарға 54 отбасын көшіру жоспарланған

Шымкенттегі әл Фараби ауданы әкімдігінде жергілікті халықпен кездескен павлодарлық делегация солтүстікке қоныс аударуға қатысты мемлекеттік бағдарламаны түсіндірді, деп хабарлайды otyrar.kz.

40 шақты бос жұмыс орнын ұсынып отырған павлодарлықтар 100-ден аса отбасын баспанамен қамтуға әзірміз дейді. Сондай-ақ қоныс аударатын отбасыға бір реттік жәрдемақы мен баспананы жалға алу ақысымен қоса коммуналдық төлемдері де төленеді.

Айта кетейік, былтыр Шымкент қаласы жұмыспен қамту орталығының мамандары өтініш білдірген 81 отбасын Солтүстік Қазақстан, Қостанай, Павлодар, Шығыс Қазақстан облыстарына қоныс аударуға ықпал еткен. Жұмысқа қабілетті 300-ге жуық адам екі қолға бір күрек тапты дейді жауаптылар. Олар мұғалім, дәрігер, агроном сияқты түрлі мамандықтар бойынша жұмысқа орналасып, кейбірі жеке кәсіптерін ашқан.

Саладағылардың айтуына қарағанда, жері құнарлы, сулы да нулы солтүстік жерінде ауыл шаруашылығын түлетуге мүмкіндік мол. Биыл жыл аяғына дейін 200-ден аса мүшесі бар 54 отбасын қоныс аударту жоспары тұр.

Заңсыз жиналған 47 тонна медициналық қалдыққа байланысты қылмыстық іс қозғалды

Ашық жатқан препараттарды экологтар жоспардан тыс тексеріс кезінде анықтаған. 

25 Қаңтар 2019 12:02 739

Заңсыз жиналған 47 тонна медициналық қалдыққа байланысты қылмыстық іс қозғалды

Павлодарда 47 тонна медициналық қалдық табылды. Экология департаменті олардың заңсыз лақтырылғанын, ал ол тұрғындар үшін өте қауіпті екенін айтты, деп хабарлайды astanatv.kz.

Ашық жатқан препараттарды экологтар жоспардан тыс тексеріс кезінде анықтаған. Олар қалдықтарды өртеу тиісті құжатсыз жүргізіліп келген деп отыр. «Утилизация» ЖШС 5 ауруханадан шыққан медициналық қалдықтарды жинап, жоймақ болған.   

«Аталған медициналық қалдықтар өте зиянды. Экологиялық жіктелімге сәйкес қауіпті деңгей. Яғни, адам өмірі мен қоршаған ортаға тигізетін кері әсері көп. Санитарлық санаты бойынша «Б» және «В» класына кіретін инфекцияланған медициналық қалдықтар»,– дейді Павлодар облыстық экология департаментінің бас мемлекеттік инспекторы Дархан Ісжанов.

Аталған фирма әкімшілік жауапкершілікке тартылды. Оған 144 мың теңге көлемінде айыппұл салынды. Мамандар оған қоса қоршаған ортаға келтірген зияны үшін 1 млн 700 мың теңге көлеміндегі шығынды өтеуі қажет деп отыр. Бұл іске табиғатты қорғау прокуратурасы да араласты. Қылмыстық іс қозғалып, тергеу басталған.