"3 шілде күні сағат 02:10-да Тереңкөл ауданы, Береговое ауылында жеке тұрғын үйдің ауласынан пышақ жарақаты түрінде зорлық-зомбылық белгілері бар 46 жастағы үй иесі мен оның 48 жастағы бірге тұратын адамның мәйіттері табылды. Марқұмның кәмелетке толмаған ұлы үй-жайлардың бірінде паналағандықтан зардап шеккен жоқ", – деп хабарлады ведомствоның баспасөз қызметі.
Адам өлтірді деген күдікпен 22 жастағы ауыл тұрғыныны ұсталған. Оқиға орнында қажетті тергеу амалдары жүргізілді. Аталған факті бойынша ҚР Қылмыстық кодексінің 99-бабының 2-бөлігі – екі немесе одан да көп адамды өлтіру бойынша сотқа дейінгі тергеу амалдары жүргізілуде. Күдікті уақытша ұстау изоляторына қамалды.
Полицейлер қылмыстың мән-жайы тергеу барысында анықталатынын хабарлады. Тергеуді Павлодар облысының тергеу басқармасы жүргізіп жатыр. Іс бойынша процессуалдық прокурор тағайындалды.
