"Ертіс орманы" табиғи резерваты Абай облысына жақын жерде орналасқан, деп жазады inbusiness.kz.
Өңірде ыстық құрғақ ауа райы орнағандықтан, мұнда өрт қаупінің бесінші сыныбы қалыптасты. Соған сәйкес резерваттың аумағы бойынша жүріп-тұруды шектеу туралы шешім қабылданды.
Облыстық орман шаруашылығы және жануарлар дүниесі аумақтық инспекциясының дерегінше, облыста 40-тан астам орман өрті тіркелген. Табиғи резерват басшылығы адамдарды табиғатқа қамқорлықпен қарауға шақырады.
Ерекше қорғалатын аумақта өрт қауіпсіздігі талаптарын бұзғаны үшін әкімшілік айыппұл мөлшері – 100 АЕК және одан жоғары.
"Ертіс орманы" резерватының ауданы 277 961 гектарды құрайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
