Ертіс өңірінде су күре жолы бойынша 26 сәуірде навигация басталды. Бұл туралы "Павлодар өзен порты" АҚ басқарма төрағасының орынбасары Төлеген Құлжанов мәлімдеді, деп хабарлайды pavlodarnews.kz.
"Біздің кемелер Ертіс акваториясында Омбыға дейін және әрі қарай жүре алады. Егер бұл мәселе шешілетін болса, біз Обь өзеніне шыға аламыз, бізде мұндай мүмкіндік бар. Ресей жағы Зайсанға дейін әрі қарай Қытайға бара алады. Керуендер Қытайға, ал Қытайдан Ресейге дейін және Арктика мұхитына дейін барады",– дейді Төлеген Құлжанов.
Төлеген Құлжановтың айтуынша, Ертістің толық күшіне енуін уақыт талап етеді, қазіргі таңда жүктеме 30 пайызға түсіп отыр.
Порттың бас инженері Ерлан Матенов айтып өткендей, порт навигацияға жақсы дайындалған.
Порт РФ-ға шамамен 12 мың тонна тұз және 150 мың тонна қиыршықтас шығаруды жоспарлап отыр. Ресейден 8 мың текше метр ағаш жеткізіледі деп күтілуде, кері бағытта 12 мың тонна тұзды ауыстырып тиеуге дайындық жүріп жатыр. 15 мамырға дейін өзен құмы бар 150 вагон жіберу жоспарланып отыр.
