Еңбек және халықты әлеуметтік қорғау министрлігі заңсыз алынған зейнетақы сомасын өндіру туралы талап-арызбен сотқа жүгінді.
Іс әйелдің бірінші сатыдағы сот шешіміне шағымдануы нәтижесінде туындаған, ол талап арызды ішінара қанағаттандырған.
Азамат С.-ның 2013 жылдың қыркүйек айында зейнеткерлік жасқа (58 жас) жеткені анықталды. Алайда 2009 жылдың шілде айынан бастап ол көпбалалы ана болмаса да заңсыз зейнетақы төлемдерін алған.
"Ол бюджет қаражатынан 3 324 306 теңге заңсыз алған, оның 804 028 теңгесі оңайлатылған іс жүргізу тәртібімен шығарылған сот шешімі негізінде атқарушылық іс жүргізу шеңберінде мәжбүрлеп өндіріп алу жолымен өтелген және кейіннен сот шешімі жойылған", - делінген хабарламада.
Еңбек министрлігі көп балалы ана ретінде әйелдің зейнетақы тағайындау кезінде ұсынған жалған құжаттары салдарынан заңсыз алған зейнетақысын өндіріп алу туралы сотқа шағым түсірді.
Апелляциялық шағымда жауапкер сот шешімінің күшін жойып, талапты қанағаттандырудан бас тарту туралы жаңа шешім шығаруды сұраған.
"Қазақстанның зейнетақымен қамсыздандыру туралы" Заңының 2013 жылғы 21 маусымдағы өзгертулерімен 18-бабының 2-тармағына сәйкес, жасына байланысты зейнетақы төлемдері өтініш жасалған күннен бастап тағайындалады. Өтініш пен қажетті құжаттар Мемлекеттік корпорацияда тіркелген күн жасына байланысты зейнетақы төлемдерін тағайындауға өтініш жасалған күн деп есептеледі", - делінген хабарламада.
Әйел жасына байланысты зейнетақы төлемдерін тағайындау құқығын 2019 жылдың маусым айында ғана рәсімдеген. Сондықтан ол белгіленген мерзімге дейін алған қаражатын қайтаруы тиіс.
"Жауапкер 2013 жылы зейнет жасына толғандықтан, сол сәттен бастап зейнетақы төлемдерін алуға құқылы деген шағымның дәлелі негізсіз, өйткені зейнетақы төлемдері зейнеткерлік жасқа жеткенде автоматты түрде тағайындалмайды", - делінген хабарламада.
Павлодар облыстық сотының азаматтық істер жөніндегі сот алқасы апелляциялық шешімді өзгеріссіз қалдырды, ал жауапкердің апелляциялық шағымы қанағаттандырылмады.
Алқаның қаулысы күшіне енді.
