"Қазақстан теміржолы" компаниясы Павлодар вокзалындағы коронавирус туралы тараған дақпыртты жоққа шығарды, деп хабарлайды ҚазАқпарат.
"Павлодар вокзалындағы коронавирус симптомы бар жолаушы" деген жазумен әлеуметтік желіге тарап кеткен ақпарат профилактикалық оқу-жаттығудың бір бөлігі. Оны Павлодар облысының әкімдігі жүргізген. Жалпы Павлодардағы вокзал қалалық мәслихаттың қарауында – "Павлодарвокзалсервис" ЖШС басқаруында", – делінген компанияның баспасөз қызметі таратқан хабарламада.
Қазіргі уақытта "ҚТЖ" компаниясы қызметкерлерімен түсіндіру жұмыстарын жүргізіп жатыр. Сырқаттың белгілері туралы ақпарат тұрақты түрде Қазақстан қалаларының вокзалында орналасқан Led-экрандардан көрсетіліп тұрады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
