Аймақтық 103 қызметі жедел респираторлық вирустық инфекцияларға байланысты қоңыраулар санының артқанын тіркеді, деп хабарлайды inbusiness.kz сайты.
Егер тәулік сайын жедел жәрдем орташа есеппен 600-700 қоңырауды пысықтаса, онда соңғы үш тәулікте қызметке келіп түскен қоңыраулар санының айтарлықтай өсуі байқалады. Мәселен, жұмада – 794, сенбі – 871, ал жексенбіде – 907 қоңырау келіп түскен. Сарапшылар мұны ЖРВИ ауруының өршуімен байланыстырады.
Облыстық 103 стансасы басшысының орынбасары Ольга Вербованың айтуы бойынша, 1 және 3 желтоқсан аралығында 2572 қоңырау орындалған. Олардың шамамен 30%-ы жедел респираторлық вирустық инфекциялармен ауыратын адамдардан келіп түсті. Әрине, ересектерге қарағанда, ЖРВИ-мен жиі ауыратын балалар – соңғы үш күнде 538 қоңырау соғылды. Бұл ретте ауыр жіті респираторлық вирустық инфекциямен ауыратын 46 адам ауруханаға жатқызылды, ал оның 27-сі – балалар.
Айта кетейік, өткен аптада Қазақстан ІІМ оқу орталығының бірнеше курсанттарында инфекция анықталды. Тоғыз адам жедел жәрдем арқылы модульдік ауруханаға жеткізілді.
