Бұл туралы Павлодар облысы бойынша балалар құқығы жөніндегі уәкіл Сәуле Шакенева мәлімдеді.
Оқиға 19 шілде күні сағат 21:55 шамасында болған. 2016 жылы туған жеткіншек жалпыға ортақ балконнан құлап кеткен. Нәтижесінде, оның денесінің бірнеше жері сынған, ауыр жарақат алған.
Қазір бала Павлодар облыстық балалар ауруханасының травматология бөлімінде ем қабылдап жатыр. Дәрігерлер оның жағдайын ауыр, бірақ тұрақты деп бағалап отыр.
Уәкілдің айтуынша, биылғы жылы өңірде балалардың терезеден құлау деректері көбейген. Тек осы күнге дейін Павлодар облысында 10 бала биіктен құлаған.
– Қазіргі таңда аурухананың травматология бөлімінде 2016 және 2023 жылы туған екі бала емделіп жатыр. Екеуінің де жағдайы ауыр, бірақ бақылауда, – деді Сәуле Шакенева.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
