/img/tv1.svg
RU KZ
Павлодарда алимент төлемеген 88 адам анықталды

Павлодарда алимент төлемеген 88 адам анықталды

Алимент төлемеген жандарды іздеу – көші-қон қызметінің басты бағыттарының бірі. 

09 Тамыз 2020 14:31 177

Павлодарда алимент төлемеген 88 адам анықталды

Фото: sputniknews.kz

Павлодарлық полицейлер алимент төлемеген тұрғындарды анықтады, – деп хабарлайды Polisia.kz. Полицейлермен осы жағдайға басты назар аударылған. Мәселен, өз балаларына материалдық жағынан көмек көрсеткісі келмей жасырынып жүрген “көкек” әкелер Нұр-Сұлтан, Семей қалалары мен Жамбыл облысының аумағынан табылған.

Сараптамаға сүйенсек, алимент төлемейтіндердің қатарында аналар да бар. Балаларын ұмытып, досымен өмірін жалғастырып жатқан 34 жастағы алимент төлемеген ана Павлодар қаласының “Мелиоратор” бақша егу орнында ұсталды. Бұдан өзге, тәртіп сақшыларымен өткізілген рейдтік шаралар кезінде балаларына “қарыз” болған 20 автокөліктің иесі анықталды.

Жауапкерді іздеу туралы сот ұйғарымы іздестіруге негіз болады және ол іздеудегі тұлғаның немесе арызданушының (көбінесе әйелдер) тұрғылықты мекенжайы бойынша полиция органында тіркеледі. Жауапкерді анықтау дегеніміз – төленбеген соманы өндіру деген сөз емес. Полиция тек іздеудегі тұлғаны анықтайды және оның сот орындаушысына келуін міндеттейді.

Қарыз болған соманы өндірумен жеке сот орындаушылары айналысады. Көші-қон қызметімен бір ай ішінде алимент төлемеген адамның тұрғылықты мекенжайын анықтау мүмкін болмаған жағдайда, өндіріп алушының талаптары бойынша сәйкес құжаттар беріледі. Осы құжаттар негізінде әлеуметтік қамтамасыз ету органдары борышкер іздеуде болған уақыт кезеңінде уақытша жәрдемақы төлейді.

 

8 көпбалалы отбасы грантқа ие болды

Қарқаралыда 439 отбасы атаулы көмек алуда. Олардың 6-ы жәрдемақы алудан бас тартып, өз ісін ашуға шешім қабылдады. 

23 Қазан 2019 07:54 651

Қарағанды облысының Қарқаралы ауданында соңғы айларда 8 кәсіпкер грант алды, деп хабарлайды әкімнің баспасөз қызметі.

Ал жыл басынан бері 110 кәсіпкерге грант берілген, оның 8-і көп балалы отбасы.

«Биылғы жылдан бастап ісін жаңа бастаған кәсіпкерлер үшін өз ісін және бизнес-идеяларды дамытуға гранттар қарастырылған. Жоба «Еңбек» нәтижелі жұмыспен қамтуды және жаппай кәсіпкерлікті дамыту мемлекеттік бағдарламасы аясында жүзеге асырылуда. Біздің ауданымыз бойынша осы жылы 110 кәсіпкер 54 млн 287 мың теңгеге қаржылық көмек алды. Олардың 8-і көп балалы отбасылар, 5-і жұмыссыздар, 5-і аз қамтылғандар, 5-і мүмкіндігі шектеулі адамдар және 87 жас кәсіпкерлер. Бұл жұмыс алдағы уақытта да жалғасын табады»,– деді Қарқаралы ауданының жұмыспен қамту орталығының директоры Қанат Бабайбеков.

Оның айтуынша, грант алған кәсіпкерлердің көпшілігі қаражатын мал шаруашылығын дамытуға жұмсамақ. Қалғандары қызмет көрсету, тамақтану, киім тігу және т.б. саласында қызмет көрсетуді көздеп отыр.

Қазір ауданда 439 отбасы атаулы көмек алуда. Олардың 6-ы жәрдемақы алудан бас тартып, өз ісін ашуға шешім қабылдады. Осыған байланысты гранттарға қосымша қаражат бөлу мүмкіндігі қарастырылуда.

Алан Тьюринг суреті 50 фунттық банкнотта бейнеленбек

Ақпараттық технологияның негізін қалаушы Алан Тьюрингтің бейнесі 50 фунт стерлинг қағаз ақшасына басылып шығарылады. 

16 Шілде 2019 11:53 557

Алан Тьюрингтің бейнесі 50 фунт стерлинг қағаз ақшасына басылады. Бұл туралы The Guardian басылымы хабарлады. 

Тьюринг – Екінші Дүниежүзілік соғыс кезінде немістердің Enigma деп аталатын шифрлау машинасының кодын ашқан. Ресми дерекке сүйенсек, математиктің арқасында соғыс шамамен бірнеше айға қысқартылып, миллиондаған адам ажал аузынан аман қалған. 

Англия банкінің басшысы Марк Карни: «Тьюринг компьютерлік технология және жасанды интеллект саласының негізін қалаушы. Ол сол дәуірде өз саласында адам сенгісіз жетістікке қол жеткізді»,– деген баға берді. 

Банкнот 2021 жылы айналымға енгізіледі деп жоспарланып отыр.