Ертіс алқабы мен қалалық бау-бақша шаруашылығында өрттің жиілеуіне байланысты атты патрульді жұмылдыру туралы шешім қабылданды. Павлодар полицейлері ТЖД қызметкерлерімен бірлескен рейдтер жүргізетін болады.
"Рейдтер бөтеннің мүлкін ұрлауға қарсы іс - қимыл мақсатында, сондай-ақ облыс орталығының бау-бақша кооперативтерінің аумағында қылмыстар мен әкімшілік құқық бұзушылықтардың алдын алу және болдырмау мақсатында жүргізіледі", - деп хабарлады облыстық полиция департаменті.
Департамент саяжай кезеңінің басталуымен тұрғындар құрғақ шөпті өртеп, от жағып, қоқыстарды өртеуді бастайтынын атап өтті. Тәртіп сақшыларының сөзінше, тұрғындар мұның бәріне тыйым салынғанын ескермейді. Бұл – саяжайлардағы өрттің негізгі себебінің бірі.
Мәселен, мамыр айының басында қаладағы "Яблонька" бау-бақшасында 106 саяжай учаскесі өртенді. Бұдан басқа зейнеткердің абайсыз болуынан өрт шығып, салдарынан 273 саяжай зардап шеккен.
