Облыс әкімі Асайын Байханов ауыл шаруашылығы, жұмыспен қамтуды үйлестіру және әлеуметтік бағдарламалар, кәсіпкерлік және индустриялық-инновациялық даму басқармаларының, сондай-ақ, "Павлодар" әлеуметтік-кәсіпкерлік корпорациясы" АҚ өкілдерімен "Ауыл аманаты" жобасын іске асыруын бастауды талқылады.
- Жобаның негізгі мақсаты — халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігіне және азаматтардың өмір сүру сапасын жақсартуға байланысты мәселелерді шешу болып табылады, - делінген хабарламада.
"Ауыл аманаты" жобасы қатысушыларға 2,5%-ды құрайтын төмендетілген сыйақы мөлшерлемесі бойынша шағын несие беруді көздейді. Шағын несие 8,6 млн теңгеге дейінгі соманы құрайды. Павлодар облысында жоба шеңберінде 300 кейсті жобаны жүзеге асыруға 1,5 млрд теңге бөлінді.
