Павлодар қаласының полициясы қаладағы балақшалардың бірінде тәрбиешінің балаға қол көтеру дерегін тексерді, деп жазады inbusiness.kz Polisia.kz сайтына сілтеме жасап.
Қала тұрғыны өтінішінде 18 қазан күні Павлодар қаласының Урицкий көшесінде орналасқан №52 балабақшаның тәрбиешісі оның 2017 жылы туған ұлына дене жарақатын салғаны туралы хабарлаған.
Ішкі істер органы бұл дерек бойынша сот-медициналық сараптамасын тағайындап, "балаға түскен дене жарақаттары денсаулыққа жеңіл зиян келтірумен сәйкес келетінін" анықтаған.
Балабақшаның 30 жастағы тәрбиешісіне қатысты ҚР ӘҚБтК 73-1-бабы 1-бөлігінің бойынша әкімшілік іс қозғалды. Материал сотта қаралады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
